"Хархорин худалдааны төвд цүнхээ алдчихлаа. Цүнхэн дотор МАРГААШ АВСТРАЛИ НИСЭХ 1 том 2 хүүхдийн ГАДААД ПАСПОРТ, ТИЗ байгаа тул энэ хүнийг таньж мэддэг, түүний тухай мэдээлэл өгч олж өгсөн хүнд өндөр шагналтай" гэх зар мэдээллийг нэгэн иргэн өчигдөр цахим хуудсандаа нийтэлсэн.
Бид зарын эзэн н.Баянмөнхтэй холбогдож пасспортоо олсон эсэхийг нь тодруулахад, "Цүнхээ олж чадалгүй нислэгээсээ хоцорчихлоо. Өнөө өглөө 9.15 цагт нисэх ёстой байсан. Би өөрөө Австралид амьдардаг. Хоёр хүүхдийн маань виз гарчихаар нь авч явах гээд баяр хөөр болоод ирсэн ч ийм юм болчихлоо. Цүнхээ олохгүй дахиж шинэ паспорт захиалбал миний өөрийн виз ч асуудалтай болох гээд байна. Тухайн хүний нэр мэдээллийг нь олсон. н.Аманбек гэх Казак хүн авсан нь тогтоогдсон. Явсан маршрутыг нь тогтоогоод шөнөжингөө хайсан ч 2 цагийн зайтай зөрөөд байна. Одоо ч хайсаар байгаа учраас тухайн хүнийг таньдаг, таарсан хүн байвал яаралтай холбогдож мэдээлэл өгөхийг хүсэж байна" гэлээ.
