Эдийн засгийн байнгын хороо хуралдлаа. Хуралдаанаар Монгол Улсын Засгийн газар болон Монгол, Францын хамтарсан “Бадрах Энержи” ХХК-ийн хөрөнгө оруулагч Орано Майнинг С.А.С компани хооронд байгуулах Хөрөнгө оруулалтын гэрээний төслийн асуудлыг хэлэлцлээ. Хуралдааны үеэр Физикийн шинжлэх ухааны доктор Н.Тэгшбаяр "2013 оноос хойш уранаас болж мал амьтан хордсон эсэх асуудал дээр 8 удаа шинжлэх ухааны ажлын хэсэг гарч, ажилласан. УРАНААС БОЛЖ МАЛ АМЬТАН ХОРДСОН АСУУДАЛ БАЙХГҮЙ гэдгийг тогтоосон" гэв.