2025 он айлчлан ирлээ. Уншигч та бүхэнд энэ жилийн ерөнхий төлөв байдлыг агуулсан өрнийн зурхайг сонирхуулж байна.

Хонь /3.21-4.19/

Энэ жил хонины ордныхон амжилт, өөрчлөлт дүүрэн байх болно. Нэг ёсондоо, карьерынхаа эерэг мөчийг эхлүүлэхэд тохиромжтой үе тохиож байна. Харин шийдвэр гаргах, өөрчлөлт хийхдээ сайн анхаарах хэрэгтэй. Хэт яарвал алдаа гаргах эрсдэлтэй. Тиймээс ухаалаг, хүлээцтэй байдлыг эрхэмлээрэй. Хайр дурлалын хувьд шинэ харилцаа үүсгэх магадлал өндөр. Энэ нь нөгөө талдаа зарим сорилтуудтай тулгарч болох юм.

Үхэр /4.20-5.20/

Үхрийнхний хувьд санхүүгийн тогтвортой байдал, ажил мэргэжлийн хувьд өсөлт мэдрэгдэнэ. Жилийн турш тайван хичээнгүй байж чадвал таныг амжилт тосно. Хайр дурлалын хувьд, одоо байгаа эсвэл шинээр амьдралд тань орж ирэх хүнтэй илүү нягт, дотно болж магадгүй. Эрүүл мэнддээ анхаарах хэрэгтэй. Ялангуяа сэтгэлзүйн дарамт, стрессийг анхааралгүй орхиж болохгүй.

Ихэр /5.21-6.20/

Шинэ санаа, боломжуудаар дүүрэн жил байх болно. Таны нийгмийн харилцаа тэлж, шинэ найз нөхөдтэй болох бөгөөд энэ нь таны амьдралд олон эерэг өөрчлөлтийг авчрах болно. Өөрийн ажил мэргэжилдээ бүтээл байдлаа ашиглаарай. Санхүүгийн төлөвлөлтдөө анхаарах шаардлагатай. Мөн өөрийн ур чадварыг хөгжүүлэх, шинэ мэдлэг мэдээлэл олж авахад чиглээрэй. Шинэ харилцааг бий болгох хүсэлтэй байвал энэ жилдээ тэвчээртэй байх хэрэгтэй.

Мэлхий /6.21-7.22/

Мэлхийн ордныхон хувийн амьдралдаа онцгой өөрчлөлт хийх боломжтой. Шинэ төсөл эхлэх, өөрийнхөө бизнесийг өргөжүүлэхэд таатай үе. Гэр бүлийн уур амьсгал халуун дулаан байх бололтой. Санхүүгийн хувьд хариуцлагатай байхыг зөвлөж байна. Өөрийн зорилгодоо хүрэхийн тулд эхлээд өөрийгөө ойлгож, дотоод сэтгэлзүйн хүчээ ашиглаарай.

Арслан /7.23-8.22/

Арслангууд энэ жил эрч хүчээр дүүрэн байх болно. Карьерын амжилтаас гадна хайр дурлалын аз жаргал ирнэ. Таны манлайлал хүмүүсийн анхаарлыг татах болно. Өөрсдийн зорилго руу чиглэх явцад зарим сорилтууд бий болж, түүнийг даван туулах шаардлага гарна. Энэ жил төлөвлөсөн бүхнээ биелүүлэхэд тань өөрөөс тань ихээхэн эрч хүч, идэвхтэй байдал шаардагдана. Тэвчээртэй байж, хичээл зүтгэлтэй ажиллавал зорьсон амжилтаа төвөггүй олж чадна.

Охин /8.23-9.22/

Охины ордныхонд төлөвлөгөө, дэг журам хамгийн чухал байх жил. Хувийн амьдралдаа өөрчлөлт хийх эсвэл шинэ алхам хийх боломж гарч ирнэ. Сэтгэл санаа, эрч хүч өндөр байж хамгийн сайн үр дүнд хүрэхийн тулд зөв төлөвлөж, амьдралынхаа үйл явцад эргэлт хийнэ. Гэхдээ өөртөө болон бусдад хэт өндөр шаардлага тавих хандлагаа багасгах нь чухал. Энэ жилдээ өөртөө зөөлөн хандаж, амьдралынхаа жижиг зүйлсийг ч үнэлж сурахыг од эрхэс танд зөвлөж байна

Жинлүүр /9.23-10.22/

Энэ жил жинлүүрүүдэд тэнцвэрийг авч ирэх болно. Мэргэжлийн болон хувийн амьдралдаа уян хатан байж, зөв шийдвэр гаргах хэрэгтэйг од эрхэс танд сануулж байна. Санхүүгийн хувьд, жинлүүрийн ордныхон 2025 онд өсөлттэй байх боловч томоохон худалдан авалт хийхдээ анхааралтай, хэмнэлттэй байх нь зөв. Хайр дурлалын талбарт томоохон өөрчлөлт гарах магадлалтай. Шинэ үүд хаалга нээгдэх ч түүнийг зөв чиглүүлэхийн тулд өөрийн сэтгэлзүйн тэнцвэр, хайрын харилцаагаа ойлгомжтой байлгах хэрэгтэй.

Хилэнц /10.23-11.21/

Хилэнцүүдийн хувьд сорилтуудтай нүүр тулгарах жил байх боловч эдгээрийг амжилттай даван туулна. Мэргэжлийн хувьд дэвшилж гаргаж, санхүүгийн байдлаа сайжруулах боломжтой. Зорилгодоо илүү төвлөрч, сөрөг бүхнээс ч суралцаж шинэ эхлэлүүдийг бүтээх боломжтой. Таны сэтгэл санаа, үйлдэл нь таны ирээдүйн амжилт болон сэтгэл ханамжид шууд нөлөөлөх болно. Энэ жил хайр дурлалын харилцаанд илүү гүн гүнзгий ойлголцол хэрэгтэй

Нум /11.22-12.21/

Нумын ордныхонд аялал, шинэ боломжууд ихээр ирнэ. Энэ нь таныг илүү өргөн хүрээнд сэтгэхэд хүргэж, амьдралдаа шинэ хандлага авчирна. Энэ жил илүү зоригтой, адал явдалд дуртай, амьдралынхаа чиглэлийг тодорхойлох шаардлага ч гарна. Үүнээс шалтгаалж та амьдралынхаа шинэ үе рүү шилжихэд бэлэн болно. Хайр дурлалын харилцаандаа илүү гүнзгий, үнэнийг хайж итгэлцлийг бий болгох нь чухал

Матар /12.22-1.19/

Санхүүгийн болон карьерын хувьд тогтвортой жил өнгөрүүлэх болно. Шинэ зорилго тавьж, түүнийгээ биелүүлэх эрч хүчтэй байна. Энэ жил таны хувьд тэвчээр, ухаалаг шийдвэр гаргалт хамгийн чухал байх болно. Өөрийн хүчээ илүү мэдрэх жил аж. Гэр бүлийн харилцаа сайжирна. Хосгүй хүмүүсийн хувьд шинэ харилцаа үүсгэх боломжтой бөгөөд энэ харилцаа илүү хүчтэй, үнэнч байх болно

Хумх /1.20-2.18/

Шинэ санаачилга гаргаж, түүнийгээ хэрэгжүүлэхэд тохиромжтой. Найз нөхөд, гэр бүлийн дэмжлэг чухал байх болно. Энэ жил та урьд нь хийж үзээгүй зүйлсийг хүлээн авч, шинэ боломжууд руу хошуурч болно. Илүү олон хүнтэй танилцана. Гэхдээ энэ харилцаандаа нээлттэй байдлыг бий болгох нь чухал

Загас /2.19-3.20/

Дотоод амар амгаланг олох, бүтээлчээр хөгжих жил. Санхүүгийн хувьд боломжууд гарч ирэх тул эрсдлээс айхгүйгээр шийдвэр гаргаарай. Энэ жил илүү хувийн амьдралаа нягтлан төлөвлөж, санхүүгийн тогтвортой байдалд хүрэхэд анхаарах хэрэгтэй болно. Шинэ харилцаа эхлүүлэхдээ хэт олон зүйлд анхаарал хандуулахгүй байх чухал