Архангай аймгийн нэгэн сургуулийн багш сурагчийг зодсон бичлэг цахим орчинд цацагдаж, олон нийтийн бухимдлыг төрүүлсэн. Болсон хэргийн талаар холбогдох байгууллагаас тодруулахад "Энэ сарын 23-ны өдөр багш А.М нь гуравдугаар ангид хичээл орох явцдаа тус ангийн нэр бүхий сурагчийн биед халдаж, ангиас хөөж гаргасан үйл явдал болсон байна.

Дээрх хэрэгтэй холбогдуулан Ажлын хэсэг байгуулагдаж, Хүүхэд хамгааллын газрын байцаагч нар ажиллаж байгаа. Мөн тус сургуулийн Ёс зүйн хороо хуралдаж, багш А.М нь ёс зүйн зөрчил гаргасан гэх дүгнэлт гаргасан. Түүнчлэн цагдаагийн байгууллагаас дээрх хэрэгт зөрчлийн хэрэг нээн, шалгалтын ажиллагааг үргэлжлүүлж байна" гэх мэдээллийг өглөө.