Прокурорын байгууллага 2024 оны арванхоёрдугаар сарын 16-наас 20-ны өдрийг хүртэл хугацаанд хэрэг бүртгэлтийн 44495, мөрдөн байцаалтын 2490 хэрэгт хяналт тавьж, эрүүгийн 434 хэрэгт яллах дүгнэлт үйлдэн шүүхэд шилжүүлжээ. Тухайлбал,

Дундговь аймгийн прокурорын газраас сумын засаг дарга А.Э нь эрх мэдэл, албан тушаалын байдлаа урвуулан, Амьтны тухай хууль, холбогдох дүрэм, журмыг зөрчин, гадаад улсын иргэдэд орон нутгаас амьтан барих эрхийг олгож, давуу байдал бий болгосон гэх хэрэгт Эрүүгийн хуулийн 22.1 дүгээр зүйлийн 1 /Эрх мэдэл, албан тушаалын байдлаа урвуулан ашиглах/-т зааснаар яллах дүгнэлт үйлдэн аймаг дахь сум дундын эрүүгийн хэргийн анхан шатны шүүхэд шилжүүлсэн байна.