УИХ-ын гишүүн П.Сайнзориг, Н.Батсүмбэрэл нар "Гадаадаас авах ажиллах хүчний тоог хязгааргүй болгох тухай хуулиа эргүүлэн татаж байна" хэмээн мэдэгдлээ.

Энэ талаар УИХ-ын гишүүн Н.Батсүмбэрэл "Олон нийтэд хуулийн судалгаа, үндэслэл тооцооллоо бүрэн хүргэж чадаагүй шүүмжлэлтэй тулсан тул Гадаадаас авах ажиллах хүчний тоог хязгааргүй болгох тухай хуулиа эргүүлэн татаж байна. Гэхдээ энэ асуудлыг улам судалж, үндэслэл тооцооллоо нарийн гаргах болно. Нэг, хоёр улсын иргэнийг оруулж ирээд эх орноо эзлүүлэх гэж байгаа юм шиг ойлголт, төөрөгдлийг өгч байна. Энэ бол худлаа. Энэ хуулийн ард захиалагч байхгүй. Бид эх орноо хөгжөөсэй, бүтээн байгуулалт урагшаа яваасай гэж хүсэж энэ хуулийн төслийг өргөн барьсан" гэлээ.