Өнгөрсөн наймдугаар сараас эхлэн нийслэлийн удирдлагууд болон түүний харьяа алба, хэлтсүүд Яармаг дахь шинэ Хангарди ордон руу нүүсэн. Нүүгээд дөрвөн сарын хугацаа өнгөрч буй ч заал, танхимаас тохижуулах ажил нь дуусаагүйг Төрийн худалдаан авах ажиллагааны систем дэх НЭЭЛТТЭЙ ТЕНДЕР-ээс харж болно.
Тодруулбал, Хангарди ордны гурван давхрын хүндэтгэлийн танхимд 75 сая төгрөгийн урсгал зардлаар тавилга авахаар өчигдөр /2024.12.17/ тендер зарлажээ. Үүнийг задалж үзвэл,
-Орчуулагчийн сандал -2 ширхэг
-Хүндэтгэлийн өрөөний буйдант сандал -21 ширхэг
-Уулзалтын жижиг ширээ-9 ширхэг
-Хөшиг - 34 м.кв
-Чингис хааны хөрөг -1 ширхэг
-Чингис хааны хөргийн ард алхан хээ бүхий давхар хана -10.64 м.кв хэмжээтэйг хийх аж.
Мөн Хангарди ордны өрөөнүүдэд 40 сая төгрөгийн урсгал зардлаар хивсэнцэр буюу "дрож" худалдан авахаар тендер зарлажээ.
