УИХ-ын чуулганы хуралдаанаар зарчмын зөрүүтэй санал хураалт явуулж байна. Тухайлбал, Улаанбаатар хотын төвлөрлийг сааруулах зорилгоор нийслэлд байрлаж буй хувийн хэвшлийн сургуулиудын хувьсах зардлыг 38.5 тэрбумаар бууруулж, хөдөө орон нутгийн дотуур байрны хангамжийг сайжруулах асуудлаар санал хураалт явуулах байв.

Дээрх саналыг УИХ-ын гишүүн П.Сайнзориг гаргасан ч Боловсрол, соёл, шинжлэх ухаан, спортын байнгын хороо, Төсвийн байнгын хороо дэмжээгүй юм. Тэгвэл санал гаргасан гишүүн П.Сайнзориг "Энэ удаадаа саналаа татаж байна. Цаашид шинэчлэл хийх шаардлагатай" гээд, санал эргүүлэн татлаа.