Монголын Хөрөнгийн биржид аравдугаар сарын 23-ны байдлаар энгийн арилжаа I, II, III ангиллын 20 ХК-ийн 39,896,331 төгрөгийн үнийн дүнтэй 133.013 хувьцаа арилжив. Үүнээс 8 ХК-ийн хувьцааны ханш өсөж, 6 ХК-ийн хувьцааны ханш буурсан бол 6 үнэт цаасны ханш тогтвортой байлаа.
Энэ өдөр "Сор" (SOR+5.45%) болон "Хөвсгөл алтан дуулга" ХК (ADU+2.65%)-ийн хувьцааны ханш хамгийн өндөр өсөлттэй байсан бол "Улсын их дэлгүүр" (UID-8.60%) болон "Монгол Базальт" ХК (MBW-4.68%)-ийн хувьцаа хамгийн их уналттай байгаа юм.
Мөн энэ өдөр компанийн бондын хоёрдогч зах зээлийн арилжаанд нийт 50 үнэт цаасыг 5 сая төгрөгөөр арилжив. ТOP 20 индекс 0.29 хувиар буурч, 17396.36 нэгжид хүрсэн бол зах зээлийн үнэлгээ 2,565,227,034,988.36 төгрөг боллоо.
