Хуучин оноо үдэж, шинэ он гарахад 20 хүрэхгүй хоног үлдээд байна. Өнгөрч буй 2024 онд манай улсын нийт экспортын голлох бүтээгдэхүүнийг чулуун нүүрс, зэсийн баяжмал, боловсруулаагүй алт бүрдүүлж байна. Үүний дотроос чулуун нүүрс 55.2 хувь буюу тэн хагасыг нь бүрдүүлж байгаа бол 20.8 хувь нь зэсийн баяжмал, 5.8 хувь нь боловсруулаагүй буюу хагас боловсруулсан алт эзэлж байгааг гол нэрийн барааны экспортын бүтцээс харж болохоор байгаа юм.