Татварын хуульд оруулсан нэмэлт, өөрчлөлтөөр НӨАТ-ын буцаан олголтын урамшууллыг улирал тутам олгож байна.

Тодруулбал,

• I улирлын буцаан олголтыг дөрөвдүгээр сард,
• II улирлын буцаан олголтыг долдугаар сард,
• 3-р улирлын буцаан олголтыг аравдугаар сард,
• 4-р улирлын буцаан олголтыг дараа оны нэгдүгээр сард багтаан иргэдэд олгож байгаа юм.

Иймд хуваарийн дагуу 3-р улирлын буцаан олголт энэ сард багтаан иргэдийн дансанд орох юм. Эхний улирлын буцаан олголтод 860 мянган иргэн хамрагдаж, 40 тэрбум төгрөгийн буцаан олголт авчээ. Харин II улиралд 901 гаруй мянган иргэн 38.2 тэрбум төгрөг авсан байна.  Нэг хүн дунджаар 47 мянган төгрөгийн буцаан олголт авдаг тухай тооцоог Сангийн яам хийжээ.