МАН-ын Удирдах зөвлөл өнөөдөр Засгийн газрын хуралдааны дараа хуралдахаар төлөвлөжээ. Тус хуралдаанаар хэнийг нийслэлийн Засаг дарга бөгөөд Улаанбаатар хотын захирагчид нэр дэвшүүлэхээ шийдвэрлэх юм байна. Удирдах зөвлөлөөс нэр дэвшүүлсэн хүнийг НИТХ-аар хэлэлцэж албан ёсоор нэр дэвшүүлж, Ерөнхий сайд захирамж гарган томилдог. МАН-ын Удирдах зөвлөл өнөөдөр хуралдаж хотын даргад нэр дэвшигчийг тодруулахаас гадна 2016-2020 оны НИТХ-ын тэргүүлэгчид өнөөдөр хуралдаж шинээр бүрдсэн НИТХ-ын анхдугаар хуралдааныг товлохоор болоод байгаа юм. НИТХ анхдугаар хуралдаанаараа хурлын даргаа сонгож, Засаг даргад нэр дэвшүүлэх шийдвэрээ гаргадаг. Тэгэхээр МАН-ын Удирдах зөвлөлийн хурлаар НИТХ-ын даргаар хэнийг сонгох тухай асуудлыг ч хэлэлцэх юм.