Сүүлийн жилүүдэд бага насны хүүхдийн таргалалт эмч мэргэжилтнүүдийн санааг зовоох асуудлын нэг болсон. Хүүхдийн таргалалт нь суурь өвчний эмгэгт орох болсныг ЭХЭМҮТ-ийн амьсгалын замын эмгэг судлалын тасгийн эрхлэгч Б.Ариунхишиг хэлсэн. Тэрбээр “Хатгаагаар суурь болон хавсарсан эмгэгтэй хүүхдүүд хүндрэх эрсдэлтэй. Суурь эмгэгт тураал, цус багадалт, хоол тэжээлийн дутагдлаас гадна сүүлийн жилүүдэд хөөнгө буюу мяраалаг хүүхдүүд орох болсон. Мөн хавсарсан эмгэгтэй хүүхдүүд эмнэлгийн хяналтад байдаг зүрхний гажиг, мэдрэлийн эмгэг, дотоод шүүрлийн эмгэгтэй байж болно. Эдгээр хүхдүүд хатгаа тусахаар хүндрэх эрсдлэтэй тул эмнэлгт хэвтэн эмлчүүлнэ” гэсэн юм.

Эрүүл мэндийн байгууллагуудын мэдээлснээр хүүхэд, эмэгтэйчүүдийн дунд А, Д аминдэм, төмөр, цайр, селен, иод эмгэг зэрэг бичил бодисын дутал дорвитой буурахгүй байгаа бол нийт хүүхдийн 2.8 хувь нь туранхай, 7.3 хувь өсөлтийн хоцролттой, харин илүүдэл жин ба таргалалтын тархалт 6.7 дахин нэмэгдэж, 28.6 хувьд хүрсэн нь анхаарал татах асуудлын нэг болжээ.