Говьсүмбэр аймгийн Шивээговь сумын Бэхт багийн “Алсын” гэдэг газар өчигдөр /2024.11.10/ 20:37 цагт ачааны автомашины араас суудлын автомашин мөргөж, суудлын автомашины зорчигч нас барсан хэрэг гарчээ.

Тус аймгийн Онцгой байдлын газрын Эрэн хайх, аврах бүлгийн алба хаагчдыг очиход Улаанбаатар-Дорноговь чиглэлд зорчиж явсан иргэн Н-ийн эзэмшлийн “Маяти” загварын ачааны автомашины араас “Соната-6” загварын суудлын автомашин мөргөж, 26 настай, эрэгтэй төмөр хийцэд хавчуулагдаж нас барсан байсныг ажиллаж цогцсыг гаргаж цагдаагийн байгууллагад шилжүүлэн өгсөн байна.“Соната-6” загварын суудлын автомашин нь дөрвөн зорчигчтой явж байжээ.