2024 оны өвлийн Монгол хэл бичгийн шалгалт болон Элсэлтийн шалгалтын бүртгэл дуусахад гурав хоног үлдлээ. Тодруулбал, энэ сарын 10-ны өдрийн 18:00 цагт дуусна. Боловсролын үнэлгээний төвийн мэдээлснээр бүртгэл хаагдсан тохиолдолд нэмэлт бүртгэл хийхгүй, бүртгэлийн хугацаа болон цагийг сунгахгүй юм байна.

Хэрэв та бүртгэлийн дугаар, нууц үгээ авсан хэдий ч шалгалт өгөх хичээлээ сонгоогүй байгаа бол бүртгэлийн хугацаанд хичээл сонголтоо хийж, төлбөр төлснөөр таны бүртгэл баталгаажих болохыг анхааруулав. Шалгуулагч бүртгэлийн хугацаанд бүртгэлийн дугаар, нууц үгээ ашиглан eyesh.eec.mn цахим хуудасны “шалгуулагчийн булан”-аар дамжуулан шалгалт өгөх хичээлээ нэмэх боломжтой юм байна. Хэрэв бүртгүүлж амжаагүй элсэгчид энд дарж бүртгэлээ хийхийг зөвлөв.