УИХ-ын Аюулгүй байдал, гадаад бодлогын байнгын хороогоор Цөмийн энергийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүд /Засгийн газар 2024.10.25-ны өдөр өргөн мэдүүлсэн, хэлэлцэх эсэх/-ийг хэлэлцлээ.
Энэ үеэр УИХ-ын гишүүн Д.Ганбат "Улсын төсөв ярьж байгаа үед хүмүүсийн анхаарлыг сарниулах байдлаар хандаж байна уу. Тийм чухал шаардлагатай юм уу" гэх асуултыг тавьсан бол ЗГХЭГ-ын дарга Н.Учрал "Бид хөгжлөөс хоцорсон, хийрхэж улстөржсөн байдлаасаа салж, хамтарсан ЗГ байгуулсан ач холбогдлоо одоо л гаргах хэрэгтэй. 14 мега төсөлд Ураны төслийг оруулсан. Тийм учраас хэлэлцэх цаг нь мөн үү гэвэл мөн" гэх хариултыг өгсөн юм.
