Нийслэлийн худалдан авах ажиллагааны газрын албан хаагчид БНХАУ-ын Хайнаньд явж байгаад нэг нь өндрөөс унаж амь насаа алдсан харамсалтай хэрэг аравдугаар сарын 22-нд гарсан. Уг хэргийг БНХАУ-ын цагдаагийн байгууллагаас шалгаж эхэлсэн бөгөөд гадны нөлөөтэй нас барсан эсэхийг цагдаагийн байгууллага, шүүхээс эцэслэх юм.

Тэгвэл талийгаачийг өчигдөр албан ёсоор ажлаас нь чөлөөлж, ар гэрт нь 1,000,000 төгрөгийн нэг удаагийн буцалтгүй тусламжийг Нийслэлийн худалдан авах ажиллагааны газраас олгожээ.