Бразилд мягмар гарагт “COVID-19” халдварын 41906 тохиолдол шинээр илэрч, 819 хүн нас тухай тус улсын Эрүүл мэндийн яам мэдээлжээ. Ийнхүү Бразилд халдвар авсан хүний тоо 4969141-т, халдвараар нас барсан хүний тоо 147494-т хүрсэн байна.

Бразилд цар тахлын улмаас сургуулиудын сургалтыг энэ оны гуравдугаар сараас зогсоосон юм. Бразилын мужууд дундаас халдвар хамгийн их тархсан Сан-Паулугийн нийслэл Сан-Паулу зэрэг хэд хэдэн хотод сургуулиудыг нээхээр төлөвлөж байгаа бөгөөд зайнаас харилцах гэх мэт эрүүл ахуйн дүрэм журмуудыг мөрдөхийг шаардах юм.

Сан-Паулу мужид мягмар гаргийн байдлаар халдварын 1010839 тохиолдол бүртгэгдэж, 36490 хүн нас барсан бол зэргэлдээ оршдог Рио-де-Жанейрод 275415 хүн халдвар авч, 18883 хүн нас барсан байна. Бразил нь халдвараар нас барсан хүний тоогоороо дэлхийд хоёрдугаарт, халдварын тохиолдлын тоогоороо гуравдугаарт бичигджээ.