Баян-Өлгий аймгийн Өлгий сумын Шинэ-Айл багийн “Бөхөн-Уул” хэмээн газар  “Нүхт” ХХК-ийн мал нядалгааны газрын нам даралтын зуух дэлбэрч хоёр хүн нас баржээ. Энэ тухай дуудлагыг өчигдөр 12:37 цагт аймгийн онцгой байдлын газар хүлээн авсан байна.  

Тус аймгийн Онцгой байдлын газрын алба хаагчид 12:45 цагт очиход тус компанийн ажилтан Өлгий сумын харьяат иргэн 51 настай, эрэгтэйн хоёр гар, нүүрний хэсэг түлэгдсэн байсан тул аймгийн Нэгдсэн эмнэлэгт хүргэжээ. Харин Өлгий сумын харьяат иргэн 65 настай, эрэгтэй К, Баяннуур сумын харьяат 65 настай, эрэгтэй С нар нас барсан байжээ.