Цагдаагийн байгууллагаас мэдээлэл хийх үеэр сүүлийн өдрүүдэд гарсан зарим гэмт хэргийн мэдээллийн талаар тодрууллаа. Тухайлбал өнгөрсөн ням гарагт Ховд аймгийн цагдаагийн газар 30-40 орчим насны иргэн саатуулагдаж байх үедээ өөрийгөө боомилсон байж болзошгүй хэрэг гарсан байдаг.

Энэ талаар ЦЕГ-ын ХМТ-ийн дарга, дэд хурандаа Г.Пүрэвдэлгэр "Иргэн саатуулагдаж байх явцдаа өөрийгөө боомилсон гэх хэрэг гарсан нь үнэн. Тухайн иргэн гэр бүлийн хүчирхийлэл үйлдсэн хэргээр саатуулагдаж байх явцдаа өөрийгөө боомилж нас барсан харамсалтай хэрэг гарсан. Шалгалтын ажиллагаа үргэлжилж байна" гэх тайлбарыг өглөө.