Аймаг, нийслэл, сум, дүүргийн ИТХ-ын сонгуулийн сурталчилгааны хугацаанд улс төрийн нам, эвслүүдээс цагдаагийн байгууллагад ирсэн гомдол мэдээллийн талаар цагдаагийн байгууллагаас мэдээлэл хийлээ. Энэ үеэр сонгуулийн санал хураалтын үеэр хориотой заалтуудын талаар мэдээлэл өгөв.

ЦЕГ-ын Зөрчлийн хэрэг бүртгэх албаны чиглэлийн ахлах байцаагч Э.Саруул "Сонгуулийн санал хураалтын өдөр иргэд ямар зүйл дээр анхаарах талаар мэдээлэл өгье. Санал авах байрнаас саналын хуудсыг авч гарах, зураг дарах, зориулалтын бус тэмдэглэгээ хийх нь Зөрчлийн тухай хуулийн 17.1 дүгээр зүйл буюу 10 мянган нэгжтэй тэнцэх мөнгөн дүн болох 10 сая төгрөгөөр торгох заалттай байдаг.

Тэгвэл иргэд хуулийн мэдлэг дутмагаас болж, "Саналаа өглөө" гээд стори хийх, дурсгал болгох зорилгоор "САНАЛЫН ХУУДАС"-ны зургийг дардаг. Энэ тохиолдолд хуулийн хариуцлага хүлээнэ" гэсэн юм.