УИХ-ын намрын ээлжит чуулганы хуралдаан Монгол Улсын 2025 оны төсвийн тухай хуулийг хэлэлцэх асуудлаар үргэлжилж, Ерөнхий сайд Л.Оюун-Эрдэнэ үг хэлж байна.

Ерөнхий сайд Л.Оюун-Эрдэнэ: Ирэх жилүүдэд хэрэгжих 14 мега төслийн нэгдүгээрт хэлэлцээрийн шатанд 18 жил гацсан Гашуунсухайт- Ганц мод хил дамнасан холболтын ажлыг дуусгана. Холболтын ажлыг хийснээр экспортын хүчин чадлыг хоёр дахин нэмэгдүүлж, нүүрс тээврийг 20 сая тонн, Ханги-мандал-Шивээхүрэнгийн боомттой уялдуулж 40 сая тоннд хүргэх боломжтой. Ингэснээр жил бүр 1.5 тэрбум ам.долларын орлогоыг олох боломжтой юм. Ханги-мандал, Шивээхүрэн боомтыг оролцуулвал дахин 1 тэрбум ам.долларын орлогыг олно. Орлого өсөх тусам төсөв тэлдэг нь дэлхийн жишиг.