Гаалийн ерөнхий газраас /ГЕГ/ өнөөдөр /2024.10.04/ цаг үеийн асуудлаар мэдээлэл өглөө.

-----------------

Тодруулбал, ГЕГ-ын Бараа ангилал, үнэлгээний хэлтсийн даргын үүргийг түр орлон гүйцэтгэгч Ч.Чимгэрэл "2024 оны есдүгээр сарын байдлаар нийт 58 аж ахуй нэгж, хоёр иргэний нийт 21 мянган тонн замын хашлага, бродюр, хавтангууд импортолсон байна. Нийт 2.4 тэрбум төгрөгийн татвар улсын төсөвт төвлөрүүлсэн. Цахим хуудаст гараад байгаа 19 мянган төгрөгийн бродюрын асуудлыг шалгаж үзэхэд тийм асуудал байгаагүй.

Импортолж байгаа бродюр, замын хашлагийн нэг ширхэгийн үнийг тооцоолж үзэхэд дунджаар 77 мянган төгрөгөөр гаалийн байгууллагад мэдүүлж, НӨАТ төлж барагдуулсан байна.

Өнгөрсөн жилүүдэд замын хашлага мөн л дунджаар 77 мянга байсан. Гаалийн үнэ гэдэг нь тухайн барааны үнэ, онцлог, худалдан авах гэрээ, тээвэрлэлтийн нөхцөл байдлаас хамаарч гаалийн байгууллагад мэдүүлж байгаа үнэ" гэв.