Дархан-Уул аймгийн Хонгор сумын II багийн нутаг Могойн болон Зулзагын гол дагуу нутагладаг 10 гаруй малчны хотонд хүрэн баавгай орж, 30 гаруй бог идсэн байна. Орон нутгийн иргэдийн дуудлагын дагуу байгаль хамгаалагчид газар дээр нь ажиллажээ.
“Амьтны эрх хамгаалах нийгэмлэг” ТББ-ын тэргүүн С.Дамдинсүрэн хэлэхдээ “Тус нутагт баавгай нутагшдаг ч сүүлийн үед малчдын хот, гэр лүү халдах нь олширлоо. Хүйтэний гол дагуу алтны уурхай олширч, хүний хөл хөдөлгөөн ихсэн, зэрлэг амьтдын амьдрах орчин хумигдсантай холбоотой байх үзэж байна. Бид айлуудад очиж, баавгай дайрсан үед ямар арга хэмжээ авч, амиа хамгаалах талаар зөвлөмж, чиглэл өгч ажиллалаа” хэмээсэн юм.
