Авто замын зорчих хэсэгт хог, шороо хаясан зөрчлийг камерын хяналт, иргэдийн мэдээллийн тусламжтай илрүүлж, холбогдох хариуцлага тооцжээ. Тодруулбал, иргэний мэдээллээр 506, хяналтын камераар 626, эргүүлийн алба хаагчид 12,156, нийт 13,288 зөрчлийг илрүүлж, 474 кг хог хаягдал ачуулж цэвэрлүүлжээ.
Тээврийн цагдаагийн алба Замын хөдөлгөөний аюулгүй байдлын тухай хууль зөрчиж, авто замын зорчих хэсэгт хог, шороо хаясан 133, ачаа тээвэрлэх журам зөрчсөн 18, нийт иргэдээс ирүүлсэн 141 зөрчилд шалгалт хийсэн нь энэ юм байна. Мөн дүүргийн цагдаагийн газар, хэлтсүүдээс 4,488 иргэн, 331 хуулийн этгээдэд хог хаягдал, орчны бохирдлын талаар яриа таниулга хийсэн аж.
Нийслэлийн Засаг даргын санаачилгаар Улаанбаатар хотын Захирагчийн ажлын алба, нийслэлийн Цагдаагийн удирдах газар, Экологийн цагдаагийн алба, Тээврийн цагдаагийн алба хамтран “Цэвэрч иргэн -цэмцгэр хот” тусгай арга хэмжээг өнгөрсөн зургаадугаар сарын 18-ны өдрөөс эхлэн хоёр сарын хугацаатай зохион байгуулж байгаа юм. Энэ хүрээнд дээрх арга хэмжээг авчээ.
Сэтгэгдэл (2)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!