Сургуулийн өмнөх боловсрол буюу цэцэрлэгийн бүртгэлийн хүсэлтийг наймдугаар сарын 1-нээс хүлээн авч эхэлнэ. Тодруулбал, emongolia цахим портал, esis боловсролын салбарын мэдээллийн системээр явагдана.

Өнгөрсөн жил бүртгэлийг хоёр үе шаттайгаар зохион байгуулсан бөгөөд хүсэлтийг цахимаар болон гэрийн ойролцоох төрийн өмчийн цэцэрлэгт хандан гаргаж байсан юм. Тодруулбал, нийслэлийн хэмжээнд цэцэрлэгийн хүүхдийн цахим бүртгэл, элсэлтийг е-mongolia.mn болон Боловсролын салбарын мэдээллийн систем (esis.edu.mn)-д тулгуурлан зохион байгуулсан юм.