"Zarig.mn" сайтын эрхлэгч, сэтгүүлч Н.Өнөрцэцэгт холбогдох хэргийн гэм буруугийн шүүх хурал өглөө 09:30 цагт эхэлсэн билээ. Ингэхдээ тэрбээр өмгөөлөгчгүй хоёр дахь өдрөө шүүгдэж буй бөгөөд шүүгчийн зүгээс хуралдааныг нээлттэй явуулах боломжгүй гэсэн тул хаалттай хуралдаж буй.

Эргэн сануулахад, Н.Өнөрцэцэг нь шүүх хуралд гурван өмгөөлөгчтэй оролцож байгаа бөгөөд өчигдрийн хуралд тодорхой шалтгааны улмаас хоёр өмгөөлөгч ирээгүй. Иймд тэрбээр өөрт нь холбогдуулан шалгаж буй гурван хэргийг тус бүрд нь хувааж өмгөөлүүлэхээр гэрээ байгуулсан гэдгийг хэлж, өмгөөлүүлэх эрхээр хангаж өгөөч хэмээн шүүх хурлыг хойшлуулж өгөхийг хүссэн ч хүлээж аваагүй юм.