УИХ-ын чуулганы нэгдсэн хуралдаан үргэлжилж байна. Хуралдаанаар Засгийн газрын бүтцийн тухай болон Засгийн газрын бүрэлдэхүүний тухай хуулийн төслийн анхны хэлэлцүүлгийг хийж байна.
Гэвч цөөнгүй гишүүдийн "санал тоолох" төхөөрөмж саатсан тул гар өргөж санал хураахаар болов.
Сануулахад, энэ удаагийн парламентаас эхлэн 126 гишүүн ажиллаж эхэлсэнтэй холбогдуулан "санал тоолох" төхөөрөмжийг бүрэн шинэчилсэн аж. Харин төхөөрөмжийн бэлтгэл ажил бүрэн хангагдаагүй тул ийнхүү саатал үүсээд байна.
