Хан-Уул дүүргийн 19 дүгээр хорооны Засаг Дарга Я.Энхбаатарын санаачлагаар тус хороо нь төрийн үйлчилгээг иргэд, оршин суугчдад ойртуулах аппликэйшнтай болох гэж байна.

Аппликэйшн үйлчилгээ, мэдээлэл, хэрэглэгч гэсэн үндсэн 3 хэсгээс бүрдэх бөгөөд аппликэйшны гол зорилго нь иргэд, оршин суугчдын цагийг хэмнэх, тэдний хамтын ажиллагааг дэмжих юм.

Аппликэйшн IOS, Android үйлдлийн системүүд дээр ажиллах бөгөөд энэ сарын 28-ны өдрөөс ашиглалтанд орох юм байна. 

Энэхүү аппликэйшн цаашид улам сайжирч төрийн үйлчилгээ, иргэд хоорондын асуудлыг шийдвэрлэх гол гүүр болон ажиллах болжээ.

Я.Энхбаатар энэхүү ажлыг ганцхан 19 дүгээр хороонд хэрэгжүүлээд зогсохгүй бүх хорооны мэдээ мэдээлэл, бүртгэл зэргийг аппликэйшнаар шийдвэрлэдэг болгох боломжтой гэлээ.