Улсын Их Хурал(УИХ)-ын 2024 оны сонгуульд 16,352 иргэн зөөврийн битүүмжилсэн хайрцагт саналаа өгөх хүсэлт гаргаад буй бол хэсгийн хорооны гишүүд өнөөдөр 09:00-20:00 цагийн хооронд зөөврийн битүүмжилсэн саналын хайрцгаар сонгогчдын саналыг очиж авч байна.
Зөөврийн битүүмжилсэн хайрцагт авсан өнөөдрийн саналыг маргааш буюу санал авах ажиллагаа эхлэх үед битүүмжлэлийг нь нээж, санал тоолох төхөөрөмжид уншуулах юм.
Зөөврийн битүүмжилсэн саналын хайрцгаар:
- Эрүүл мэндийн байдлын улмаас санал авах байранд өөрийн биеэр очиж чадахгүй сонгогч
- Нийтийн дайчилгаанд хамрагдан ажиллаж байгаа сонгогч
- Албадан эмчлүүлж байгаа болон зөрчлийн хэрэгт холбогдуулан баривчлагдсан сонгогч
- Баривчлагдсан, цагдан хоригдсон зэрэг шалтгаантай иргэд саналаа өгөх боломжтой байдаг.
