2024 оны УИХ-ын сонгуулийн санал хураалт маргааш /2024.06.28/ явагдахтай холбогдуулан СЕХ-ноос мэдээлэл өглөө.

Энэ үеэр СЕХ-ны дарга П.Дэлгэрнаран хэлэхдээ "Маргааш өглөөний 07:00 цагт улс орон даяар санал авч эхэлнэ. Нийт 2198 хэсгийн хороогоор дамжуулж 2 сая 224 мянган сонгогч саналаа өгөхөөр нэрсийн жагсаалтад бүртгэгдсэн байна. СЕХ болон аймаг нийслэл, сум дүүргийн СЕХ гээд нийт 25700 орчим төрийн албан хаагч сонгуулийн бэлтгэл ажлыг ханган ажиллаж байна.

Үүнээс 23 мянга нь бүх шатны сонгуулийн байгууллагад, 2564 нь мэдээлэл технологийн багийн гишүүнээр оролцож байгаа. Харин 12 мянга орчим цагдаагийн алба хаагч нийгмийн хэв журмыг сахих үүрэгтэйгээр ажиллаж байгаа" гэв.