Беларус, Казахстан, Кыргызстан, БНСУ-ын иргэдийн ОХУ-д нэвтрэх эрхэд тогтоосон хязгаарлалтыг харилцан цуцлахыг эрх баригчид зөвшөөрсөн байна. Энэхүү захирамжид ОХУ-ын Засгийн газар гарын үсэг зуржээ.

“Дээр дурдагдсан орны иргэд болон тэнд оршин суух зөвшөөрөлтэй иргэдийг ОХУ-д нэвтрэхийг зөвшөөрлөө. Мөн Оросын иргэд эдгээр улс руу чөлөөтэй нисэх боломжтой” хэмээн мэдэгджээ.

Нислэгүүдийг долоо хоногт нэг удаа хийх төлөвтэй байгаа бөгөөд есдүгээр сарын 21-нээс Казахстан, Кыргызстан, Беларусь улсуудтай хийх нислэгийг сэргээх бол есдүгээр сарын 27-ноос БНСУ-тай нислэг хийж эхлэх юм. Коронавирустай тэмцэх шуурхай штабын хуралдааны дараа эдгээр оронтой агаарын тээврийн харилцааг сэргээхийг санал болгосон аж. ОХУ-ын бусад улс оронтой тогтмол хийдэг нислэгийг коронавирусний цар тахлын улмаас гуравдугаар сарын сүүлчээр зогсоожээ.