Энэ мэдээ хуучирсан буюу 2024/06/13-нд нийтлэгдсэн мэдээ болно.

Улаанбаатар-Прага чиглэлд долоо хоногт хоёр удаа шууд нислэг үйлдэхээр боллоо

Ангилал
Нийгэм
Огноо
Унших
1 минут 34 секунд

Иргэний агаарын тээврийн “Изинис Эйрвэйз” ХХК 2024 оны 7 дугаар сарын 10-ны өдрөөс эхлэн Улаанбаатар-Прага-Улаанбаатар чиглэлд долоо хоногт хоёр удаа шууд нислэг үйлдэхээр боллоо.

Хоёр улсын хооронд шууд нислэгтэй болох чиглэлээр Монгол, Чехийн Засгийн газар хүчин чармайлт гаргаж ирсэн бөгөөд тухайлбал, Гадаад харилцааны сайд Б.Батцэцэгийн өнгөрсөн оны 5 дугаар сард Чех Улсад хийсэн албан ёсны айлчлал, өнгөрсөн 10 дугаар сард Улаанбаатарт болсон хоёр улсын Засгийн газар хоорондын комиссын ээлжит хуралдаанаар талууд идэвхтэй ярилцаж байв.

Ийнхүү идэвхтэй яриа хэлцэл, хамтын ажиллагааны дүнд “Агаарын харилцааны тухай Монгол Улсын Засгийн газар болон Бүгд Найрамдах Чех Улсын Засгийн газар хоорондын хэлэлцээр”-ийн дагуу “Изинис Эйрвэйз” ХХК-ийн шууд нислэг үйлдэх зорилт биеллээ олж байна.

Улаанбаатар-Прага-Улаанбаатар чиглэлд шууд нислэгтэй болсноор Чех Улсад амьдарч буй 13 мянга гаруй манай улсын иргэд төдийгүй Европт ажиллаж, сурч, суурьшиж буй иргэд эх орондоо зорчих, мөн Монголыг зорих жуулчдын тоо нэмэгдэхийн зэрэгцээ цаг, зардал хэмнэх боломж бүрдэж байна.

Мөн хоёр талын худалдаа, эдийн засгийн хамтын ажиллагаа, ачаа эргэлтийн хэмжээг нэмэгдүүлэхэд чухал ач холбогдолтой юм.

ЗӨВЛӨМЖ: Гэр бүл, хамт олноороо амралт зугаалгаар явахдаа нэгнийгээ бүртгэдэг байхыг анхааруулж байна
ЗӨВЛӨМЖ: Гэр бүл, хамт олноороо амралт зугаалгаар явахдаа нэгнийгээ бүртгэдэг байхыг анхааруулж байна
 
Монгол Солонгосын хамтарсан Стартапыг дэмжих “Инновацын төв”-ийг байгуулна
Монгол Солонгосын хамтарсан Стартапыг дэмжих “Инновацын төв”-ийг байгуулна
АНХААРУУЛГА: Уншигчдын бичсэн сэтгэгдэлд UBN.MN хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй. !
UBN.mn сайтын редакц