Өчигдөр /2024.05.20/ Ардчилсан намын Улс төрийн зөвлөл, Үндэсний бодлогын хороо хуралдаж УИХ-ын тойрогт нэр дэвших 78, жагсаалтад бичигдэх 48 нэрсээ тодруулсан.

Үүнтэй холбогдуулан Ардчилсан залуучуудын холбооны Ерөнхийлөгч, Хууль зүйн ухааны доктор Б.Ган-Очир Улс төрийн зөвлөл, Үндэсний бодлогын хороонд өөрийг нь нийслэлийн төвийн зургаан дүүргийн алинд нь ч нэр дэвшүүлсэн ялалт байгуулах болно хэмээн мэдэгдсэн юм.

Харин эх сурвалжийн мэдээлж буйгаар Б.Ган-Очирыг Нийслэлийн БГД-т нэр дэвшүүлэхээр УТЗ болон ҮБХ-ны шийдвэр тогтоол гарч баталгаажсан ч хурал дууссаны дараа нэр солигдсон байна.

Эндээс хэд хэдэн асуудал үүсэх магадлалтай юм. Тодруулбал өчигдөр 00:00 цагаас өмнө намууд нэр дэвшигчдээ эцэслэн тодруулах ёстой байсан бөгөөд шөнө дунд нэр солигдсон бол хууль зөрчсөн үйлдэл болно. Мөн АН-ын Үндэсний бодлогын хорооны хурлаар баталгаажуулсан нэрд дур мэдэн өөрчлөлт оруулах нь хууль бус үйлдэл болох юм.

Тэрбээр "Энэ удаагийн сонгууль миний хувьд өндөрлөлөө. Тойрогт нэр дэвшиж байгаа бүх найзууддаа амжилт хүсье. Хичээгээрэй залуучууд аа, найз нь чадлаараа тусална, дэмжиж ажиллана.

Миний хувьд тойрогт нэр дэвших хүсэлтээ өгсөн. Улс төрийн зөвлөл, ҮБХ маань дэмжсэн. Гэвч тойргоо авч чадсангүй “өгсөнгүй”. Өнөөдрийг хүртэл намайг дэмжиж байгаа бүх хүмүүстээ баярлалаа" гэжээ.