Өмнөговь аймгийн Ханхонгор сумын нутагт өнөөдөр өглөө газар хөдөлсөн байна. Энэ талаар ОБЕГ-аас, "Өнөөдөр буюу тавдугаар сарын 06-ны өдрийн 04:49:25 цагт Өмнөговь аймгийн Ханхонгор сумын Өгөөмөр багийн “Дөрвөлж” гэдэг газар /аймгийн төвөөс хойд зүгт 56 км-т, сумын төвөөс хойд зүгт 32 км-т, 44°04'12.0"N 104°28'12.0"E/ 4.3 магнитудын хүчтэй газар хөдлөлт боллоо. Энэ тухай мэдээллийг 04:56 цагт ООГХ-ээс цахим шуудангаар ирүүлсэн бөгөөд тус аймгийн Онцгой байдлын газраар дамжуулан Ханхонгор сумын Өгөөмөр багийн Засаг дарга, Мандах багийн Засаг дарга нараас тодруулахад газар хөдлөлтийн чичирхийлэл иргэдэд бага мэдрэгдсэн учирсан хохиролгүй гэж мэдээлсэн" гэв.