Кардашианы эгч дүүсийн хувийн амьдрал, харилцааны талаар сонирхолтой байдлаар хүргэдэг  “Keeping Up With Kardashian” реалити шоу дахин гарахгүй болсон тухай E! суваг мэдэгдсэн байна. “Keeping Up With Kardashian” реалити шоуны хамгийн сүүлийн дугаар 2021 оны эхний улиралд сүүлчийн удаа цацагдах аж.

Тус шоуны анхны дугаар 2007 оны аравдугаар сарын 14-нд E! сувгаар цацагдаж байсан бөгөөд 14 жилийн турш тасралтгүй үргэлжилж, Америкийн хамгийн алдартай, хамгийн олон үзэгчтэй шоунуудын нэг болжээ. Өнгөрсөн хугацаанд нийт 256 дугаар, нэмэлт таван тусгай дугаар үзэгчдийн хүртээл болсон юм.

“Keeping Up With Kardashian” шоунд баяртай гэж хэлэхэд үнэхээр хүнд байна. 14 жилийн турш 20 улирал, 200 гаруй дугаараар та бүхэнтэйгээ хамт байсан гайхалтай аяллын эцэст бид шоугаа өндрөлөхөөр шийдлээ” хэмээн Кардашианы гэр бүл цахим хуудастаа мэдэгджээ.

А.Мишээл