Нийслэлийн биеийн тамир спортын хорооноос “Өглөөний дасгал”-ыг дүүрэг бүрт зохион байгуулж байна. Улаанбаатар хотод тогтмол  дасгал хийх боломжтой байршлыг НБТСХ-ноос мэдээлсэнтэй танилцана уу.

• Багануур дүүрэгт 1 дүгээр хороонд байрлах хөлбөмбөгийн талбайд өглөө бүр 09:00 цагт;
• Багахангай дүүрэгт 1 дүгээр хороонд байрлах хөлбөмбөгийн талбайд өглөө бүр 06:30 цагт;
• Баянгол дүүрэгт 12, 13, 14 дүгээр хорооны 40 дүгээр сургууль, Ачлал их дэлгүүрийн арын байрнуудын дунд байрлах чийрэгжүүлэлтийн талбайд өглөө бүр 07:00 цагт;
• Баянзүрх дүүрэгт 26 дугаар хорооны нутаг дэвсгэрт байрлах, Үндэсний цэцэрлэгт хүрээлэнд өдөр бүр өглөө 07:00 цагт;
• Налайх дүүрэгт Соёл урлагийн ордны урд талбайд өглөө бүр 09:00 цагт;
• Чингэлтэй дүүрэгт Б.Явуухулангийн талбай болон 1-6, 8, 15 дугаар хорооны нутаг дэвсгэрт байрлах байрнуудын дундах талбайд өглөө бүр 07:00 цагт;
• Хан-Уул дүүрэгт 120 мянгатын цэцэрлэгт хүрээлэнд, Даваа, Лхагва, Баасан гаригт өглөө бүр 08:00 цагт;
• Сүхбаатар дүүрэгт 6 дугаар сургуулийн гаднах талбайд өглөө бүр 07:00 цагт;
• Сонгинохайрхан дүүрэгт 17 дугаар хороо “Өнөр цогцолбор”  83 дугаар сургуулийн хөлбөмбөгийн талбайд өглөө бүр 07:00 цагт тус тус өглөөний дасгал хийх боломжтой.

Иргэдэд спортын үйлчилгээг ойртуулах, хүртээмжийг нэмэгдүүлэх, спортын байгууллагуудын үйл ажиллгааг сурталчлах эдгээр арга хэмжээнүүдийг нийслэлийн есөн дүүргийн спорт талбайд зохион байгуулж байгаа юм.