Францын хөлбөмбөгийн тамирчин Килиан Мбаппегийн коронавирусний шинжилгээний хариу эерэг гарсан тухай Францын Хөлбөмбөгийн холбоо даваа гарагт мэдэгджээ.
Даваа гаргийн өглөө өгсөн шинжилгээний хариу нь халдвартай гарсан К.Мбаппе Францын үндэсний шигшээ багаас тусгаарлагдсан байна. Францын баг мягмар гарагт Хорватын багтай Парис хотод тоглох байжээ. Өдгөө 21 настай К.Мбаппе нь шинжилгээний хариу нь эерэг гарсан "Парис Сен-Жермен" клубийн долоо дахь тоглогч болсон бөгөөд өнгөрсөн долоо хоногт Неймар тэргүүтэй зургаан тоглогчоос халдвар илэрсэн юм.
А.Мишээл
