Хонконг-Улаанбаатар чиглэлийн ОМ-298 дугаартай тусгай онгоц өнөөдөр 06:25 цагт Улаанбаатараас хөөрлөө. Тус онгоцоор нийт 262 иргэн эх орондоо ирэх бөгөөд эрүүл мэндийн шалтгаантай-46, өндөр настан-37, бага насны хүүхэдтэй гэр бүл-52, жирэмсэн-3, бусад хүндэтгэн үзэх шалтгаантай 124 иргэн байгаа аж.
Иргэдийг ХӨСҮТ, ЦТЭ, Корпорэйт зочид буудал, Эрхэс, Наранбулаг амралтын газарт тусгаарлах аж. Тусгай үүргийн онгоц өнөөдөр /2020.09.08/ 16:45 цагт Буянт-Ухаа олон улсын нисэх буудалд газардах хуваарьтай байна хэмээн УОК-ын Шуурхай штабаас мэдээллээ.
