Хууль зүйн байнгын хороо өчигдөр хуралдсан. Энэ үеэр ХЗДХ-ийн сайд Б.Энхбаяр "Та өнгөрсөн онд Б.Амгаланбаатарын яриаг олон нийтэд цацсан. Та өөрийн санаачлагаар энэ бичлэгийг цацсан уу эсвэл хэн нэгний даалгавраар бичлэгийг авч, сошиалд цацсан уу" хэмээн ХЭҮК-ын Эрүү шүүлтээс урьдчилан сэргийлэх асуудал эрхэлсэн гишүүн Я.Цэлмүүнээс тодруулсан юм. Түүний асуултад ХЭҮК-ын Эрүү шүүлтээс урьдчилан сэргийлэх асуудал эрхэлсэн гишүүн Я.Цэлмүүн "Хорих ангид очиж ажиллах үеэр бидэнтэй уулзах хүсэлт тавьж, бичлэгийг нь нийтэд дэлгэж өгөхийг хүссэн" гэлээ.
