Өмнөговь аймаг, Цогтцэций сумын нутаг Гашуун сухайт чиглэлд ачааны автомашин шатаж нэг хүн нас барсан харамсалтай осол өнгөрсөн шөнө гарсан байна. Энэ талаар Онцгой байдлын ерөнхий газрын мэдээлснээр, ослын дуудлага шөнийн 02:08 цагт бүртгэгджээ. Дуудлагын дагуу аймгийн Онцгой байдлын газрын Цогтцэций сум дахь Онцгой байдлын хэлтсийн Гал түймэр унтраах, аврах 44 дүгээр ангийн алба хаагчдыг очиход “Shaanxi-SX4251NT330” загварын зүтгүүрийн бүхээгийн хэсэг шатаж байсныг ажиллаж унтраасан байна. Тус автомашины бүхээгт иргэн 45 настай эрэгтэй М нь нас барсан байсан тул сум дахь Цагдаагийн хэлтсийн мөрдөгчид шилжүүлэн өгсөн байна.