УИХ-ын өнөөдрийн чуулганы нэгдсэн хуралдаанаар Баялгийн сангийн тухай хуулийн төслийн эцсийн хэлэлцүүлгийг хийж, батлах юм.

Тэгвэл Баялгийн сангийн тухай хуулийн төслийг эцэслэн батлах хуралдаанд гишүүдийн ирц хүрэхгүй байгаа шалтгаанаар түр хугацаанд дараагийн хуулийн төсөл болох Гаалийн албан татвараас чөлөөлөх тухай хуулийн төслийн эцсийн хэлэлцүүлгийг хийлээ.

УИХ-ын дарга Г.Занданшатар Баялгийн сангийн тухай хуулийн төслийг эцэслэн батлах хуралдааныг тасалсан болон танхимд орж ирээгүй гишүүдийн нэрсийг зарлалаа.

Тодруулбал, өнөөдрийн УИХ-ын чуулганы хуралдаанд УИХ-ын гишүүн А.Адъяасүрэн, Ш.Адьшаа, П.Анужин, Б.Баярсайхан, Б.Энх-Амгалан, Ч.Хүрэлбаатар, Б.Бейсен, Ж.Батсуурь нарын найман гишүүн огт ирээгүй буюу тасалсан бол УИХ-ын гишүүн Н.Алтанхуяг, Ц.Анандбазар, Д.Батлут, Б.Баттөмөр, Э.Батшугар, Х.Болорчулуун, С.Бямбацогт, Ж.Ганбаатар, Н.Ганибал, Х.Ганхуяг, Т.Доржханд, Б.Дэлгэрсайхан, Ц.Мөнх-Оргил, Ж.Сүхбаатар, Ц.Туваан, Ч.Ундрам, О.Цогтгэрэл, С.Чинзориг, Б.Чойжилсүрэн, Ц.Эрдэнэбат, Б.Өнөрболор гэсэн 21 гишүүн хуулийн төслийг эцэслэн батлах хуралдаанаас хоцорч, танхимын ирц бүрдээгүй тул хуулийн төслийг эцэслэн батлах хугацаа түр хойшилж, араас нь Гаалийн албан татвараас чөлөөлөх тухай хуулийн төслийн эцсийн хэлэлцүүлгийг явууллаа.