“Эмийн үнийн өсөлтийн шалтгаан, нөхцөлийг хянан шалгах” үүрэг бүхий түр хорооны нотлох баримтыг шинжлэн судлах сонсгол өнөөдөр (2024.04.17) гурав дахь өдрөө үргэлжилж байна. Өнөөдрийн сонсголоор эмийн бүртгэл болон чанарын хяналтын талаар мэдээллийг сонсож байгаа билээ. Энэ үеэр шинжээч "Үйлдвэрлэгчийн нэрийг сольж, хилээр түүхий эд оруулж ирсэн зөрчил илэрсэн. Эм, эмнэлгийн хэрэгслийн газрын дэд даргаар ажиллаж байсан Д.Уранзаяа эрх мэдэл, албан тушаалаа урвуулан ашиглаж бусдад давуу байдал олгосон байж болзошгүй тул хуулийн байгууллагаар шалгуулах шаардлагатай" гэлээ.