Байгалийн гамшигт үзэгдлийн улмаас Өмнөговь аймгийн Даланзадгад сумын 2 иргэн, Ханбогд сумын 1 иргэн төөрсөн байна. Тэгвэл одоогийн байдлаар Ханбогд сумаас алга болсон иргэнийг олжээ. Энэ талаар ОБЕГ-аас тодруулахад,
"Өмнөговь аймагт болж буй хүчтэй шуурганы улмаас Ханбогд сумын 1 иргэн, Даланзадгад сумын 2 иргэн сураггүй алга болсон байснаас Ханбогд сумын иргэн эсэн мэнд олдсон. Өөрөө гэртээ харьсан гэх мэдээлэл ирсэн.
Харин Даланзадгад суманд алга болсон 2 иргэнийг эрэн хайж байна. Нэг иргэн нь автомашинтайгаа яваад сураггүй болсон бол нөгөө нь явган явж байх үедээ сураггүй болсон.
Иймд иргэд та бүхэн цаг агаарын аюулт үзэгдэл ажиглагдаж буй энэ үед сонор сэрэмжтэй байх хэрэгтэй. Мөн орон нутгийн замд зорчихгүй байна уу" гэлээ.
