Дорнод аймаг, Матад сумын нутаг Буян-Өндөр багийн Хөндий худаг гэх газарт өчигдөр гарсан түймрийг онцгой байдлын албан хаагчид бүрэн унтраажээ. Галын дуудлага тухайн орой 18:20 цагт бүртгэгдсэн бөгөөд Матад суманд үүрэг гүйцэтгэж байсан Онцгой байдлын газрын Эрэн хайх, аврах ангийн албан хаагчид ажилласан байна. Хээрийн түймрийг 21:35 цагт бүрэн унтраасан бөгөөд урьдчилсан байдлаар 100 га орчим талбай шатсан болохыг Онцгой байдлын ерөнхий газраас мэдээллээ.

Улсын хэмжээнд он гарсаар Дорнод, Сүхбаатар, Хэнтий, Хөвсгөл, Булган, Ховд, Сэлэнгэ аймагт 14 удаа ой, хээрийн түймэр гарсан байна.