Шинэ төрлийн коронавирусний вакцин гарган авах, үйлдвэрлэх, түгээх олон улсын “COVAX” санаачилгад АНУ оролцохгүй хэмээн Цагаан ордны хэвлэлийн нарийн бичгийн даргын орлогч Жадд Дир мэдэгджээ. Тэрбээр хэлэхдээ,

“АНУ коронавирусийг ялан дийлэхийн тулд олон улсын түншүүдтэйгээ үргэлжлүүлэн хамтран ажиллана. Гэхдээ бид авлигад автсан Дэлхийн эрүүл мэндийн байгууллагын /ДЭМБ/ нөлөөн дор буй олон улсын байгууллагуудад хавчигдаж шахагдахгүй” хэмээсэн байна.

“COVAX” төслийг Дэлхийн вакцинжуулалт, дархлаажуулалтын холбоо /GAVI/, тахлын бэлэн байдлын шинэчлэлийн эвсэл /CEPI/, ДЭМБ, түүнчлэн уг хэрэгслийн хувьд засгийн газрын санхүүжилтийн нэмэлт эх үүсвэр гэж үзэж байгаа вакцин үйлдвэрлэгч үндэстэн дамнасан корпорацууд удирдаж байгаа аж. Энэхүү механизм нь ойролцоогоор 12 төрлийн вакцинд хөрөнгө оруулах, зах зээлд гарсны дараа тэгш хүртээмжтэй хуваарилах зорилготой.

С.Хонгорзул