2024 оны эхний өдөр Эдийн засаг, хөгжлийн сайд Ч.Хүрэлбаатарыг "Хятад хүний удам" гэх утгатай нэвтрүүлэг цацагдсан байдаг. Тэрбээр энэ мэдээллийг няцааж, генийн шинжилгээ хийлгэхээр болсноо мэдэгдэж, Ерөнхийлөгч асан Х.Баттулгыг ч цуг шинжилгээ хийлгэхээр дуудсан. Ингэхдээ өнгөрсөн сард ЭЗХ-ийн сайд генийн шинжилгээгээ хийлгэсэн, удахгүй зарлана хэмээн мэдэгдэж байсан удаатай. Тэгвэл тэрбээр өчигдөр Увс аймгийн MBC телевизийн “Ярилцах цаг” нэвтрүүлэгт орох үеэрээ шинжилгээний хариугаа албан ёсоор олон нийтэд зарлалаа.