Цар тахалтай холбоотойгоор есдүгээр сарын 1-нээс эхэлж ерөнхий боловсролын сургуулиуд долоо хоногт гурван өдөр танхимаар, хоёр өдөр цахимаар хичээллэх түр журам гаргасан.
Энэхүү түр журам нь аймгуудын сургууль есдүгээр сарын 14-нийг хүртэл, нийслэлийн сургуулиудад есдүгээр сарын 21-нийг хүртэл үргэлжилжлэх бөгөөд түүнээс хойш өдөр бүр танхимаар хичээллэх юм.
Өнгөрсөн хичээлийн жилд цэцэрлэгт 263 мянга 333 хүүхэд хамрагдаж, 8068 багш ажиллажээ. Түүнчлэн улсын хэмжээнд улсын болон хувийн 1439 цэцэрлэг үйл ажиллагаагаа явуулсан байна.
Харин энэ жил улсын хэмжээнд 3-5 насны 232.435 хүүхэд байгаа бол нэгдүгээр ангид хамрагдах хүүхдийн тоо 75.886 байна гэх статистик мэдээлэл гарчээ.
