ШУА-ийн Одон орон, геофизикийн хүрээлэнгээс Хөвсгөл аймгийн Ханх сумын нутагт өнөөдөр /2024.03.09/ 15:14 цагт 3.7 магнитудын хүчтэй газар хөдлөлт болсон талаар мэдээллээ. Тодруулбал,

Газар хөдлөлт болсон хугацаа (Улаанбаатарын цагаар) : 2024-03-09 15:14:04

Газар зүйн байршил (Өргөрөг, Уртраг) : 51.24 100.30

Газар хөдлөлтийн хүч (магнитуд) : 3.7

Болсон газар : Хөвсгөл аймгийн Ханх сумын нутагт

Газар хөдлөлтийн төвөөс ойр орших аймаг сумд:

Хөвсгөл аймгийн Ханх сумын төвөөс Баруун урд зүгт 39км

Хөвсгөл аймгийн Ренчинлхүмбэ сумын төвөөс Зүүн зүгт 46км

Хөвсгөл аймгийн Цагааннуур сумын төвөөс Зүүн зүгт 67км байна.

Сануулахад, өнөө өглөө 09:41 болон 09:48 цагт буюу 7 минутын зайтай Архангай, Дорноговь аймгийн нутагт 3.5 магнитудын хүчтэй газар хөдлөлт болсон талаар бид мэдээлсэн билээ.

Мөн үүрийн 04:33 цагт Дорноговь аймгийн Хайрхандулаан суманд 3.6 магнитудын хүчтэй газар хөдөлсөн. Ямар нэг байдлаар хүний амь нас, эрүүл мэнд болон эд хөрөнгөд хохирол учраагүй гэдгийг Онцгой байдлын байгууллагаас мэдээлэв. Ийнхүү нэг өдрийн дотор 4 удаа газар хөдлөөд байна.