Хүнсний гол нэрийн бүтээгдэхүүний хангамж, нийлүүлэлтийн тогтвортой байдлыг хангах, мал аж ахуйн салбарыг эрсдэлээс хамгаалах, нөөцийг нэмэгдүүлэх, нийлүүлэлтийг тасалдуулахгүй байх зорилгоор мал, амьтны тэжээл, тэжээлийн нэмэлт болон улаанбуудайн баяжуулсан гурилыг импортлоход гаалийн албан татвараас чөлөөлөхөөр хуулийн төсөлд тусгажээ. Үүнтэй холбогдуулан ЗГХЭГ-ын дарга Д.Амарбаясгалан мэдээлэл өгөв. Тэрбээр,

"Сүүлийн хоёр жилд гурилын үнийг үндэслэлгүйгээр нэмсэн зөрчил илэрсэн. Дээд гурилын үнийг 96 хувиар, 1-р гурилынхыг 56 хувиар нэмэгдүүлсэн нь тогтоогдсон. 50кг-ын 1-р гурил 120-130 мянган төгрөгөөр борлуулагдаж байгаа нь малчид төдийгүй нийт ард иргэдэд дарамт болж байна" гэсэн юм.